18 September, 2014 05:12 AM IST |
MMRCL કંપનીમાં વિવિધ ટેક્નિકલ અને પ્રશાસકીય પદોની ભરતી શરૂ હોવાની જાહેરાત કરી અમુક લોકો ઇચ્છુક ઉમેદવારોને ફસાવી રહ્યા છે. જાહેરાતને આધારે પ્રતિસાદ આપનારાઓને બનાવટી અપૉઇન્ટમેન્ટ લેટર આપીને અમુક રકમની માગણી કરવામાં આવે છે તેમ જ બનાવટી અપૉઇન્ટમેન્ટ લેટર પર નોંધવામાં આવેલી MMRCLની www.mumbaimetrorecruitment.in વેબસાઇટ પણ બનાવટી છે. વાસ્તવમાં MMRDA અથવા MMRCLએ કર્મચારીઓની ભરતી માટે કોઈ પણ પ્રકારની જાહેરાત નથી આપી. જો કોઈ જાહેરાત આપવામાં આવે તો મુખ્યાલયનું ઍડ્રેસ અને www.mmrda.maharashtra.gov.in આ કાયદેસર વેબસાઇટ નોંધવામાં આવે છે. એથી આ બનાવટી જાહેરાતથી કોઈ ફસાય નહીં એનું ધ્યાન રાખવાનું આહ્વાન પ્પ્ય્Dખ્ના સહપ્રકલ્પ સંચાલક દિલીપ કવઠકરે આપ્યું છે.