ટીવી-ઍક્ટ્રેસનો ડ્રાઇવર ૪ લાખ રોકડા લઈને ફરાર
‘મોહરા’ ફિલ્મથી પોતાની કારકિર્દીની શરૂઆત કરનારી પૂનમનો ડ્રાઇવર ચાર લાખ રૂપિયા લઈને ફરાર થઈ ગયો હતો. ઓશિવરા પોલીસ-સ્ટેશનના અધિકારીઓના જણાવ્યા અનુસાર એક ડાન્સ-શોમાં મળેલી રોકડ રકમ તેણે પોતાના ડ્રાઇવર થાપાને આપી હતી. તે પૂનમના ડ્રાઇવર તરીકે ત્રણ વર્ષથી કામ કરતો હતો. પૂનમે બહારગામ જવાનું હોવાથી આ રૂપિયા થાપાને આપી તે સીધી ઍરર્પોટ રવાના થઈ હતી. થાપા આ રકમ ઘરે જમા કરવાને બદલે લઈને ફરાર થઈ ગયો હતો. પાછા આવ્યા બાદ પૂનમને સમગ્ર હકીકતનું ભાન થતાં તેણે પોલીસમાં ફરિયાદ નોંધાવી હતી, પરંતુ થાપાની કોઈ પણ માહિતી ન હોવાથી તેની ધરપકડ કરવામાં પોલીસને ખૂબ જ મુશ્કેલી પડી રહી છે. મુંબઈની તમામ સોસાયટીઓની માફક પૂનમની સોસાયટીના લોકો પાસેથી ઘરકામ કરતા લોકોની માહિતી માગવામાં આવી હતી, પરંતુ પૂનમે થાપાની કોઈ પણ માહિતી પોલીસ પાસે જમા નહોતી કરાવી.