મહારાષ્ટ્રમાં 1થી 4 ધોરણના વિદ્યાર્થીઓ માટે 1 ડિસેમ્બરથી ઓફલાઈન વર્ગ શરૂ

મહારાષ્ટ્રમાં 1 થી 4 ધોરણના વિદ્યાર્થીઓ માટે શાળમાં ઓફલાઈન વર્ગો ખુલી રહ્યા છે.

પ્રતીકાત્મક તસવીર

મહારાષ્ટ્ર (Maharashtra) માં 1 થી 4 ધોરણના વિદ્યાર્થીઓ માટે શાળમાં ઓફલાઈન વર્ગો (physical classes) ખુલી રહ્યા છે. મહારાષ્ટ્રના શિક્ષણ પ્રધાન વર્ષા ગાયકવાડે જણાવ્યું હતું કે ધોરણ 1 થી 4 ના વિદ્યાર્થીઓ આવતા મહિનાની શરૂઆતથી ઑફલાઇન સત્રમાં હાજરી આપી શકશે. રાજ્યભરની તમામ શાળાઓમાં 1 ડિસેમ્બરથી ઓફલાઈન વર્ગો શરૂ થશે. 

વર્ષા ગાયકવાડે વધુમાં કહ્યું કે ઉદ્ધવ ઠાકરેની આગેવાનીવાળી સરકારે દિવસની કેબિનેટ બેઠક દરમિયાન આ બાબતે નિર્ણય લીધો હતો.

વર્ગ 1 થી 12 ના વિદ્યાર્થીઓ આવતા મહિનાની શરૂઆતથી ઑફલાઇન સત્રમાં હાજરી આપી શકશે તેવું શિક્ષણ પ્રધાન ગાયકવાડે જણાવ્યું હતું.

રાજ્યના આરોગ્ય વિભાગ અને કોવિડ-19 ટાસ્ક ફોર્સ દ્વારા આ અંગેની દરખાસ્ત અગાઉ મંજૂર કરવામાં આવી હતી.