ફેબ્રુઆરીથી બેસ્ટની ટિકિટના દરમાં વધારો થશે

ફેબ્રુઆરીથી બેસ્ટની ટિકિટના દરમાં વધારો થશે

બેસ્ટની બસોમાં ફેબ્રુઆરી મહિનાથી પ્રવાસ મોંઘો થવાનો છે અને મિનિમમ ટિકિટનો દર હવે છ રૂપિયાને બદલે સાત રૂપિયા થશે. ગઈ કાલે મુંબઈ સુધરાઈની સ્થાયી સમિતિની બેઠકમાં આ દરવધારાને મંજૂરી આપવામાં આવી હતી. આ સિવાય એપ્રિલ મહિનાથી બીજો એક રૂપિયાનો વધારો પણ થવાનો છે.

લોકસભાની ચંૂટણી પહેલાં મુંબઈ સુધરાઈએ બેસ્ટ પ્રશાસનને ૧૫૦ કરોડ રૂપિયા આપવાની જાહેરાત કરી હતી, પણ આ રૂપિયા નહીં મળતાં ટિકિટના દરમાં વધારો કરવાનો નિર્ણય લેવામાં આવ્યો છે. બેસ્ટની સીઝન ટિકિટના દરમાં પણ વધારો કરવામાં આવ્યો છે.

કેટલું ભાડું વધશે?

જૂના દર	નવા દર
(રૂપિયા)	(રૂપિયા)
૬	૭
૧૦	૧૩
૧૨	૧૬
૧૫	૨૦
૧૮	૨૫
૨૦	૩૦

પાસના દરમાં કેટલો વધારો

પાસનો પ્રકાર	જૂના દર (રૂપિયા)	નવા દર (રૂપિયા)
સ્ટુડન્ટ પાસ	૧૨૪	૩૦૦
મૅજિક પાસ (નૉન AC)	૧૦૦૦	૧૨૦૦
મૅજિક પાસ (AC)	૩૦૦૦	૩૫૦૦