કોર્ટમાં EDની રજૂઆત, નવાબ મલિક નિર્દોષ નથી, દાઉદની બહેન સાથે હતો વ્યવહાર

રાષ્ટ્રવાદી કોંગ્રેસ પાર્ટીના નેતા મલિક (63)ની 23 ફેબ્રુઆરીએ ED દ્વારા દાઉદ ઈબ્રાહિમ અને તેના સાથીદારો સાથે સંબંધિત પ્રવૃત્તિઓની તપાસ સંબંધિત કેસમાં ધરપકડ કરવામાં આવી હતી.

નવાબ મલિક

એન્ફોર્સમેન્ટ ડિરેક્ટોરેટ (ED) એ બુધવારે અહીંની એક વિશેષ અદાલતને જણાવ્યું હતું કે મની લોન્ડરિંગ કેસમાં ધરપકડ કરાયેલ મહારાષ્ટ્રના ભૂતપૂર્વ પ્રધાન નવાબ મલિક(Nawab Malik)નો ભાગેડુ અંડરવર્લ્ડ ડોન દાઉદ ઈબ્રાહિમની બહેન હસીના પારકર સાથે વ્યવહાર હતો અને તે નિર્દોષ હોવાની વાતમાં કોઈ તથ્ય નથી. એડિશનલ સોલિસિટર જનરલ (એએસજી) અનિલ સિંહે ED તરફથી હાજર રહીને મલિકની જામીન અરજીની સુનાવણી દરમિયાન આ દલીલ કરી હતી અને કોર્ટને અરજી ફગાવી દેવાની વિનંતી કરી હતી.

રાષ્ટ્રવાદી કોંગ્રેસ પાર્ટીના નેતા મલિક (63)ની 23 ફેબ્રુઆરીએ ED દ્વારા દાઉદ ઈબ્રાહિમ અને તેના સાથીદારો સાથે સંબંધિત પ્રવૃત્તિઓની તપાસ સંબંધિત મની લોન્ડરિંગ કેસમાં ધરપકડ કરવામાં આવી હતી અને હાલમાં તે ન્યાયિક કસ્ટડીમાં છે.