30 October, 2020 03:13 PM IST | Mumbai | Vishal Singh
વીડિયોનો સ્ક્રિનશોટ
મુંબઈના ઘાટકોપર રેલવે સ્ટેશનમાં એક મહિલા ચાલુ ટ્રેનમાં ચઢવાનો પ્રયત્ન કરી રહી હતી, જોકે એલર્ટ રેલવે પ્રોટેક્શન ફોર્સ (RPF)ના લીધે તેનો જીવ માંડ માંડ બચ્યો હતો. બપોરે 12 વાગ્યાની આસપાસ બનેલી આ ઘટનાનો વીડિયો સીસીટીવીમાં કેદ થયો હતો.
લોકલ દોડવાનું શરૂ થઈ હોવા છતાં આ મહિલા પોતાને જોખમમાં મૂકીને ટ્રેનમાં ચઢવાનો પ્રયત્ન કરતા દેખાય છે. જોકે આરપીએફ જવાન સુભાદ ભોસલેએ તરત જ આ મહિલાને રેલવે ટ્રેકમાં પડતા પહેલા પ્લેટફોર્મ તરફ ખેચી હતી, પરિણામે આ મહિલાનો જીવ બચ્યો હતો.