01 October, 2020 08:08 PM IST | Mumbai | Gujarati Mid-day Online Correspondent
ફાઈલ તસવીર
મહારાષ્ટ્રના ભૂતપૂર્વ મુખ્ય પ્રધાન અને ભાજપ નેતા નારાયણ રાણેનો કોવિડ-19 રિપોર્ટ પૉઝિટિવ આવ્યો છે. તેમણે ટ્વીટરના માધ્યમે આ માહિતી શૅર કરી હતી. ડૉક્ટરે તેમને થોડાક દિવસ આઈસોલેશનમાં રહેવાની સલાહ આપી છે.
રાજ્ય સભાના સંસદસભ્ય નારાયણ રાણેએ લોકોને વિનંતી પણ કરી છે કે જે તેમના સંપર્કમાં આવ્યા હોય તે પોતાનો ટેસ્ટ કરાવીને જરૂરી તબીબી સારવાર કરે. તેમણે મરાઠીમાં ટ્વીટ કરીને આ માહિતી આપી હતી.
નારાયણ રાણે ઉપરાંત મહારાષ્ટ્રના અમૂક પ્રધાનોનો કોવિડ-19 રિપોર્ટ પૉઝિટિવ આવ્યો છે જેમાં કેન્દ્રિય પ્રધાન નીતિન ગડકરી, બચ્ચુ કાડુ, વર્ષા ગાયકવાડ, નીતિન રાઉત, વિશ્વજીત કદમ અને સુનિલ કેદારનો સમાવેશ છે.