30 November, 2020 09:38 AM IST | Palghar | Gujarati Mid-day Correspondent
પ્રતીકાત્મક તસવીર
રાજ્યના પાલઘર જિલ્લામાં અજાણી મહિલાની કોહવાઈ ગયેલી લાશ મળી હોવાનું પોલીસ અધિકારીએ ગઈ કાલે જણાવ્યું હતું. શનિવારે સાતીવલી ખીંડ વિસ્તારમાંથી પસાર થતાં રાહદારીને દુર્ગંધ આવતાં તેણે પોલીસને જાણ કરી હતી.
પોલીસે ઘટનાસ્થળે પહોંચીને તપાસ કરતાં મહિલાની લાશ જોવા મળી હતી. અધિકારીઓના મતે મહિલાની ઉંમર ૩૦થી ૩૫ વર્ષની આસપાસ છે.
પોલીસને શંકા છે કે મહિલાને અન્ય કોઈ સ્થળે મારી નાખ્યા બાદ તેના મૃતદેહને અહીં લાવીને ફેંકી દેવાયો હતો. મહિલાના મૃતદેહને પોસ્ટમૉર્ટમ માટે મોકલવામાં આવ્યો છે તથા કલમ ૩૦૨ (હત્યા) અને ૨૦૧ (પુરાવાઓનો નાશ કરવા) હેઠળ ગુનો નોંધ્યો છે.