AC લોકલ ટ્રેનના કોચ માટે ૨૧,૦૦૦ કરોડ રૂપિયાનું જગતનું સૌથી મોટું ગ્લોબલ ટેન્ડર

AC લોકલ ટ્રેન

AC લોકલ ટ્રેન હવે ૧૮ કોચની બનાવવાનો પ્લાન છે અને સાથે જ એને માટેના ૨૮૫૬ AC કોચ ભારતમાં જ બનાવવા માટે વિશ્વનું અત્યાર સુધીનું સૌથી મોટું ૨૧,૦૦૦ કરોડ રૂપિયાનું ગ્લોબલ ટેન્ડર મુંબઈ મેટ્રો રેલવે વિકાસ કૉર્પોરેશન બહાર પાડશે.

સામાન્ય રીતે મુંબઈ અર્બન ટ્રાન્સપોર્ટ પ્રોજેક્ટ અંતર્ગત આ પ્રકારના પ્રોજેક્ટ માટે વિદેશી ફાઇનૅન્સ કંપનીઓ પાસેથી લૉન લઈને કામ કરવામાં આવે છે. જોકે એમાં તેમની શરતો અને નિયમોનું કડક પાલન કરવું પડે છે. એ ગોઠવણમાં મેક ઇન ઇન્ડિયાને લાગુ કરવું મુશ્કેલ હતું. દેશમાં રોજગારની તકો ઊભી કરવા અને ટેક્નૉલૉજીનો વિકાસ કરવા હવે એ AC કોચ દેશમાં જ બનાવવામાં આવશે. એ માટે હવે રાજ્ય સરકાર અને કેન્દ્ર સરકાર દરેક ૧૦,૫૦૦ કરોડ રૂપિયાનું રોકાણ કરશે.

૨૩૮ AC લોકલની ખરીદીને મંજૂરી

 MUTP 3 – ૪૭ AC લોકલ

 MUTP 3 A- ૧૯૧ AC લોકલ

 એક મહિનામાં ટેન્ડર બહાર પડશે

 પહેલા છ મહિનામાં કૉન્ટ્રૅક્ટર નક્કી થશે

 પ્રોડક્શન માટે જરૂરી માળખું ઊભું કરવા બે વર્ષનો સમય

 ૨૦૨૮માં પહેલી પ્રોટોટાઇપ AC લોકલ દોડતી થશે

 ૬ મહિના ચકાસણી ચાલશે

 એ પછી દરેક મહિને ૪૦થી ૫૦ લોકલ બનાવવામાં આવશે

૪૮૨૬ કરોડની રકમ મંજૂર, જેમાં રાજ્ય સરકાર ૫૦ ટકા આપશે