09 May, 2022 10:49 AM IST | Mumbai | Gujarati Mid-day Online Correspondent
દાઉદ ઈબ્રાહિમ (ફાઈલ ફોટો)
મુંબઈ: મુંબઈ(Mumbai)માં નેશનલ ઈન્વેસ્ટિગેટિવ એજન્સી (NIA)ની ટીમ અંડરવર્લ્ડ ડોન દાઉદ ઈબ્રાહિમ અને તેની ડી કંપનીના સંચાલકોના અનેક સ્થળો પર દરોડા પાડી રહી છે. હાલમાં NIAએ કોઈ સ્થળનો ખુલાસો કર્યો નથી. NIAના સૂત્રોના જણાવ્યા અનુસાર અંડરવર્લ્ડ ટેરર ફંડિંગ હેઠળ દરોડા પાડવામાં આવી રહ્યા છે.
સમાચાર એજન્સી ANIએ અહેવાલ આપ્યો છે કે નાગપાડા, ગોરેગાંવ, બોરીવલી, સાંતાક્રુઝ, મુંબ્રા, ભિંડી બજાર અને અન્ય સ્થળોએ ઇબ્રાહિમના સહયોગીઓના સ્થળો પર NIAના દરોડા ચાલુ છે. ANI અનુસાર, આતંકવાદ વિરોધી એજન્સી દ્વારા પાડવામાં આવેલા દરોડામાં કેટલાક હવાલા ઓપરેટરોના ઠેકાણાઓ પણ સામેલ હતા.
ANI એ ફેડરલ એજન્સીના એક નિવેદનને ટાંકીને જણાવ્યું હતું કે NIA દ્વારા ફેબ્રુઆરીમાં જ ઈબ્રાહિમ સાથે જોડાયેલા ઘણા હવાલા ઓપરેટરો અને ડ્રગ પેડલર્સ વિરુદ્ધ કેસ નોંધવામાં આવ્યો હતો, પરંતુ આજથી દરોડા શરૂ થઈ ગયા છે.