માનવભક્ષી વાઘણના બચ્ચાને પેન્ચના જંગલમાં છોડી મુકાયું

માનવભક્ષી વાઘણના બચ્ચાને પેન્ચના જંગલમાં છોડી મુકાયું

વાઘણ અવનિ

૨૦૧૮ના નવેમ્બર મહિનામાં ઠાર કરવામાં આવેલી માનવભક્ષી વાઘણ અવનિના બે વર્ષના બચ્ચાને ગઈ કાલે વિદર્ભના પેન્ચ ટાઇગર રિઝર્વના જંગલમાં છોડી દેવામાં આવ્યું હતું. એ બચ્ચાને ખુલ્લા વાતાવરણની આદત પાડવા સહિત સારી રીતે ઉછેર કરાયા બાદ જંગલમાં છોડવામાં આવ્યું હોવાનું પેન્ચ ટાઇગર રિઝર્વના ચીફ કન્ઝર્વેટર ઑફ ફૉરેસ્ટ અને ફીલ્ડ ડિરેક્ટરની કચેરીએ જણાવ્યું હતું. ‘એ બચ્ચાને નૅશનલ ટાઇગર કન્ઝર્વેશન ઑથોરિટીના સ્ટાન્ડર્ડ ઑપરેટિંગ પ્રોસીજર અનુસાર બે વર્ષ સુધી ૫.૧૧ એકરના એન્ક્લોઝરમાં રાખવામાં આવ્યું હતું. એ માદા બચ્ચું હવે ૩.૨ વર્ષનું થયું છે. ૨૦૧૮ના ડિસેમ્બર મહિનામાં રેસ્ક્યુ ઑપરેશનમાં અનાથ બચ્ચા તરીકે પેન્ચ ટાઇગર રિઝર્વમાં એને લાવવામાં આવ્યું હતું.