દિવાળી નિમિત્તે કચ્છ એક્સપ્રેસ સ્પેશ્યલ ટ્રેન

પ્રતીકાત્મક તસવીર

દિવાળી તથા કાર્તિક પૂર્ણિમાને અનુલક્ષીને શ્રી કચ્છ પ્રવાસી સંઘ દ્વારા રેલવેને વધારાની ટ્રેન માટે માગણી કરાઈ હતી. માટુંગાનાં નગરસેવિકા નેહલ શાહે આ બાબતે મહત્ત્વની ભૂમિકા ભજવી હતી અને રેલવેપ્રધાન પીયૂષ ગોયલનો સંપર્ક કરી રજૂઆત કરી હતી.

રેલવેએ તેમની એ માગણી વાજબી ગણી કચ્છ એક્સપ્રેસ ટ્રેન નંબર ૦૯૪૫૫/૦૯૪૫૬ને સ્પેશ્યલ ટ્રેન જાહેર કરી છે.

કચ્છ એક્સપ્રેસ નવા નંબર સાથેની 09456 ટ્રેન ૮ નવેમ્બરે ભુજથી રાતના ૮.૧૫ વાગ્યે ઊપડશે, જે બીજા દિવસે ૯ નવેમ્બરે ૧૧.૨૫ વાગ્યે બાંદરા પહોંચશે. જ્યારે ૦૯૪૫૫ બાંદરા ટર્મિનસથી ૧૭.૪૫ વાગ્યે ઊપડશે અને બીજા દિવસે સવારે ૮.૪૫ વાગ્યે ભુજ પહોંચશે. આ ટ્રેનમાં ૨૩ કોચ હશે. બુકિંગ સંદર્ભે તપાસ કરી લેવી.