13 December, 2020 10:45 AM IST | Mumbai | Mumbai Correspondent
પ્રતીકાત્મક તસવીર
ભાંડુપ-વેસ્ટના એલબીએસ માર્ગ પર ચાલતા એક સ્પામાં મસાજના ઓઠા હેઠળ યુવતીઓ પાસે વેશ્યા વ્યવસાય કરાવાય છે એવી માહિતીના આધારે શુક્રવારે રાતે પોલીસે રેઇડ પાડી ત્યાંથી ૯ યુવતીઓને છોડાવાઈ હતી.
ભાંડુપના એલબીએસ રોડ પર આવેલા ૭ બેલેઝા સ્પામાં મસાજની ટ્રીટમેન્ટના ઓઠા હેઠળ દેહ-વ્યવસાયની સુવિધા પૂરી પડાય છે એવી ફરિયાદ સ્થાનિકો દ્વારા કરાઈ હતી. એની નોંધ લઈ મુંબઈ પોલીસના ઝોન ૭ના ડેપ્યુટી કમિશનર પ્રશાંત કદમે ચુનંદા પોલીસ ઑફિસરોની ટીમ બનાવી છટકું ગોઠવ્યું હતું. પોલીસે જ એક બનાવટી ગ્રાહકને ત્યાં મોકલાવ્યો હતો. એ ગ્રાહકે ભાવ-તાલ નક્કી થયા બાદ જ્યારે તેને યુવતી પૂરી પાડવામાં આવી ત્યારે પહેલેથી જ નક્કી થયા મુજબનો ઇશારો કરી પોલીસ ટીમને જાણ કરી દેતાં પોલીસ ટીમ ત્રાટકી હતી. એ સ્પામાંથી દેહ-વ્યવસાયના કામમાં જોતરાયેલી ૯ યુવતીઓને છોડાવી લેવાઈ હતી.