18 December, 2020 12:37 PM IST | Mumbai | Diwakar Sharma
એફઆરઆઇ નોંધવાની પ્રક્રિયા ચાલુ છે
સડસડાટ દોડી જતી મર્સિડીઝ કારે 19 વર્ષના ઝોમેટો ડિલીવરી બૉયને કચડી નાખ્યો અને લગભગ 1000 ફૂટ સુધી ઘસડ્યો. લોખંડવાલા, અંધેરીમાં આ ઘટના શુક્રવારે વહેલી સવારે બની હતી. મરનારની ઓળખ સતીશ ગુપ્તા તરીકે થઇ હતી જે અંધેરી વેસ્ટમા ંજ રહેનારા સતીશ ગુપ્તા અંગે તેના અંકલ સરોજે મિડ-ડેને જણાવ્યું કે, "મારો ભત્રીજો સતીશ, ઓશિવરામાં કોઇ ગ્રાહકને ફૂડ ડિલીવર કરવા જઇ રહ્યો હતો જ્યારે લાલ રંગની સડસડાટ જતી મર્સિડીઝ કાર તેની પર ફરી વળી હતી, કાર ખોટી દિશામાંથી આવી અને તેને લગભગ 1000 ફૂટ ઘસડ્યો હતો. કારમાં બે જણા બેઠા હતા અને બંન્ને નશામાં ચૂર હતા."
19 વર્ષનો સતીશ મર્સિડીઝ નીચે કચડાઇ ગયો
સુત્રોના જણાવ્યા અનુસાર મર્સિડીઝ ટુ વ્હિલરને ઘસડ્યું જે વ્હિલ અને બોનેટની વચ્ચે ફસાઇ ગયું હતું અને અમુક અંતર સુધી ઘસડાયું હતું. તેમણે ઉમેર્યું કે, " ટુ વ્હીલર સાથે અથડાયા પછી કારના ડ્રાઇવરે સંતુલન ગુમાવ્યું હતું અને કારની આગળનું વ્હિલ ફાટી ગયું અને ફરતાં અટકી ગયું. ડ્રાઇવર કારની બહાર આવ્યો, રીક્ષા લઇને સતીશને નજીકની હૉસ્પિટલમાં લઇ ગયો પણ ત્યાં તેને મૃત જાહેર કરાયો."
આ દરમિયાન ઓશિવરા પોલિસ સ્ટેશનની ટીમ પણ ઘટના સ્થળે પહોંચી હતી અને તેમણે કાર ચલાવનારા તૈફૂર તનવીર શેખને અટકમાં લીધો હતો જે અકસ્માત ટાણે કાર ચલાવી રહ્યો હતો. ઓશિવરા પોલીસ સ્ટેશનના સ્ટાફે જણાવ્યું કે તે નશામાં હતો કે કેમ તે જાણવા માટે તેનું મેડિકલ ચેક અપ કરાશે.
હાલમાં એફઆરઆઇની પ્રોસેસ ચાલુ છે.