01 March, 2020 10:54 AM IST | Mumbai
મુલુંડમાં ગઈ કાલે પાલિકાએ કરેલી કાર્યવાહી.
મુલુંડ સ્ટેશન પાસે આવેલી ૩૨ દુકાનો પાલિકા દ્વારા શનિવારે રોડને મોટો કરવા અને મુલુંડને ટ્રાફિકમુકત કરવા તોડી પાડી છે. આ દુકાનોને તોડવા માટેનો દુકાનદારોના વિરોધને જોતા પાલિકાએ પોલીસ બદોબસ્તમાં દુકાનો તોડી પાડી હતી.
આ સંબંધી ટી વૉર્ડ દ્વારા આ ૩૨ દુકાનદારોને નોટિસ આપવામાં આવી હતી. પાલિકાના એક અધિકારી સાથે વાત કરતા તેમણે જણાવ્યું હતું કે આ દુકાનધારકો ૧૯૬૦થી ફુટપાથ પર વ્યવસાય કરતા હતા. વર્ષો સુધી ધંધો કર્યા બાદ પાલિકાએ આ લોકોને માત્ર નાના સ્ટોલ બાંધવા પરવાનગી આપી હતી. જોકે આ દુકાનદારો સ્ટોલને દુકાન રૂપ બનાવી પોતાનો વ્યવસાય કરતા હતા. મુલુંડ ટી-વૉર્ડના વૉર્ડ ઑફિસર કિશોર ગાંધી સાથે વાત કરતા એમણે જણાવ્યું હતું કે આ ૩૨ દુકાનધારકોને પોતાનો વ્યવસાય કરવા માટે મુલુંડ એસીસી રોડ પર બીજી જગ્યા આપવામાં આવી છે, પણ આમાંના કેટલાક દુકાનધારકોને આ ચીજ મંજૂર નથી, પણ મુલુંડને ભીડભાડથી મુકત કરવા જરૂરી સમજી આ પગલાં લેવામાં આવ્યાં છે.