18 June, 2019 08:48 AM IST | મુંબઈ | ચેતના યેરુણકર
જો બધું યોગ્ય રીતે પાર પડશે તો ટૂંક સમયમાં બેસ્ટ બસની ટિકિટ્સનું અગાઉથી બુકિંગ કરી શકાશે. બેસ્ટ ધરમૂળથી ફેરફાર કરી રહી છે તેવામાં ઉબર જેવી કંપનીઓ પણ તેની વહારે આવી તેને ઑનલાઇન જવામાંં મદદ કરી રહી છે. બેસ્ટની ઍપ્લિકેશન પર જાહેરખબરની આવકથી નફો વધતા લોકોને જાહેર પરિવહન ભણી વાળવું સરળ બનશે. બીએમસીના નવા કમિશનર પ્રવીણ પરદેશી પણ લાંબા સમયથી બીએમસી દ્વારા દૂર રાખવામાં આવેલા બસ ડેપોના વેપારીકરણમાં રસ લઈ રહ્યા છે. બેસ્ટની ઍપ્લિકેશનમાં તમે જે ડેપો પર હો તેના પર આવનારી બસની વિગતો તેમ જ જીપીએસ દ્વારા બસના સ્થળની માહિતી ઑનલાઇન આપવામાં આવશે. બીએમસીએ બેસ્ટ સાથે કરાર કર્યા છે જે મુજબ બીએમસી એક વર્ષ સુધી દર મહિને બેસ્ટને ૧૦૦ કરોડ રૂપિયા આપશે, જેનો ઉપયોગ બેસ્ટની કાયાપલટ કરવામાં કરાશે. હાલમાં બેસ્ટ ૨૫૦૦ કરોડ રૂપિયાની ખોટ કરી રહી છે.