15 February, 2021 12:06 PM IST | Mumbai | Gujarati Mid-day Correspondent
પ્રતીકાત્મક તસવીર
ઍન્ટિ-નાર્કોટિક્સ સેલના વરલી યુનિટે શનિવારે બપોરે સાયન-ધારાવીના ૯૦ ફુટ રોડ પરથી ૩૨ વર્ષના રીઢા આરોપી અને ડ્રગ-પેડલરની ધરપકડ કરીને તેની પાસેથી અંદાજે ૨૧ લાખ રૂપિયાનું ૨૧૦ ગ્રામ એમડી ડ્રગ જપ્ત કર્યું હતું. ખબરીએ આપેલી માહિતીના આધારે છટકું ગોઠવીને તેને ઝડપી લેવાયો હતો. આરોપી રેકૉર્ડ પરનો ગુનેગાર છે અને તેના પર ધારાવી પોલીસ-સ્ટેશનમાં હત્યા, લૂંટ, ચોરી, મારામારી, વિનયભંગ અને પોક્સો ઍક્ટ હેઠળ કુલ ૧૯ ગુના નોંધાયા છે. એટલું જ નહીં, તેની ગુનાહિત પ્રવૃત્તિઓને કારણે ત્રણ વખત તેને તડીપાર પણ કરાયો હતો. હાલના કેસમાં તેને એનડીપીએસ ઍક્ટ હેઠળ ગુનો નોંધીને કોર્ટમાં હાજર કરાયો હતો.