08 January, 2021 10:21 AM IST | Mumbai | Mumbai correspondent
પ્રતીકાત્મક તસવીર
કાંદિવલીની જનતા કોલોનીમાં રહેતા 4 જણને ચોર ગણી તેમને એક્ટિવા પર જબરદસ્તી બેસાડી મલાડ કાંચપાડા લઈ જઈ તેમની બુધવારે મારઝુડ કરાઈ હતી. એટલુ જ નહી તેમના વાળ પણ કાપવામાં આવ્યા હતા અને તેમની મુછ પણ જબરદસ્તી ઉડાવી દેવાઈ હતી. એટલુ જ નહી તેમને નગ્ન કરીને પરેડ પણ કરાવી તેમનો વિડિયો પાડી એ વાઇરલ પણ કરાયો હતો.
આ સંદર્ભે જબરદસ્ત હોહા મચી ગઈ હતી. કાંદિવલી પોલીસમાં ફરિયાદીઓ એ ફરિયાદ કરતા કાંદિવલી પોલીસે ઝડપી તપાસ કરી પંદર જણાંના ટોળાની સામે ગુનો નોંધ્યો હતો. એટલુ જ નહી તેમના પાંચ જણની ધરપકડ પણ કરી હતી. પાંચ આરોપીઓને કોર્ટમાં હાજર કરતા કોર્ટે તેમને 11 જાન્યુઆરી સુધી તેમને પોલીસ કસ્ટડી આપી હતી.