23 December, 2012 04:47 AM IST |
ગુરુવારે એક ટીવી-ચૅનલ પર ગુજરાતમાં થયેલી વિધાનસભાની ચૂંટણીની સમીક્ષા ચાલી રહી હતી એ દરમ્યાન સંજય નિરુપમે સ્મૃતિ ઈરાનીને ઉદ્દેશીને કહ્યું હતું કે થોડા વખત પહેલાં તો તમે ટીવી પર ઠૂમકા લગાવતાં હતાં અને હવે ચૂંટણીનાં પરિણામોની સમીક્ષા કરો એવાં બની ગયાં છો. તેમની આ કમેન્ટ સામે સ્મૃતિ ઈરાનીએ પણ તેમને આડે હાથ લેતાં કહ્યું હતું કે નિરુપમ જેવા લોકોને લીધે જ આજની યુવા પેઢીમાં દંગલખોરીનાં બીજ રોપાયાં છે. સંજય નિરુપમના આવા બેજવાબદારીભર્યા નિવેદનને પગલે ચારે તરફથી તેમની સામે વિરોધ-પ્રદર્શન થયાં હતાં અને માફીની માગણી કરવામાં આવી હતી. સ્મૃતિ ઈરાનીએ આ બાબતે સંજય નિરુપમને લીગલ નોટિસ મોકલતાં તેઓ હવે માફી માગે છે કે પછી નોટિસનો શું જવાબ આપે છે એના પર બધાની નજર છે.