14 October, 2011 08:43 PM IST |
જીપીએસ પ્રોજેક્ટના પ્રથમ ચરણમાં બસની અંદર જ એવાં સાધનો ફિટ કરવામાં આવશે જે બસ અત્યારે કયા સ્થળે છે એની જાણકારી સૅટેલાઇટથી ત્યાર બાદના સ્ટેશન પર પહોંચાડશે. બીજા ચરણમાં આ સમગ્ર જાણકારી સેન્ટ્રલ બસસ્ટૅન્ડને મોકલશે. જો કોઈ મુસાફર તેની બસના આવવા-જવાના સમયની જાણકારી એસએમએસથી માગશે તો સેન્ટ્રલ બસસ્ટૅન્ડ અત્યારે બસ ચોક્કસ ક્યાં સુધી પહોંચી છે અને આગામી કેટલી મિનિટમાં ચોક્કસ બસસ્ટૅન્ડ પર પહોંચશે એની માહિતી આપી શકશે. અત્યાર સુધી ૧૪૦ નૉન-એસી બસ પર એની ટ્રાયલ સફળતાપૂર્વક પાર પાડવામાં આવી છે. આગામી જૂન સુધી બેસ્ટ એના આ પ્રોજેક્ટના પ્રથમ ચરણની અમલબજાવણી કરશે.