ફ્લાઇટ ફુલ સ્પીડમાં આવી ગઈ હતી ત્યારે ટેક્નિકલ ખામીનો સંકેત મળ્યો

ઍર ઇન્ડિયાની મુંબઈ-જોધપુર ફ્લાઇટનું ટેક-ઑફ પાઇલટે તરત જ માંડી વાળ્યું

શુક્રવારે સવારે ૯.૨૫ વાગ્યાની હતી ફ્લાઇટ

શુક્રવારે સવારે ૯.૨૫ વાગ્યે ફ્લાઇટ AI-645 રનવે પર ચડીને ફુલ સ્પીડ પકડ્યા બાદ પાઇલટને કૉકપિટમાં ફૉલ્ટ ઇન્ડિકેશન એટલે કે કોઈ ટે​ક્નિકલ ખામી સર્જાવાનો સંકેત મળતાં પાઇલટે ટેક-ઑફ અબોર્ટ કર્યું હતું. મુસાફરો અને ક્રૂની સલામતીને ધ્યાનમાં રાખીને પાઇલટે તાત્કાલિક લીધેલા નિર્ણયને ઍર ઇન્ડિયાએ માન્ય રાખ્યો હતો અને ટે​ક્નિકલ ખામી વિશે જરૂરી ચકાસણી કરવાનો આદેશ આપ્યો હતો. મુસાફરોને સલામત રીતે ફ્લાઇટમાંથી ઉતારીને બીજી ફ્લાઇટમાં તેમના પ્રવાસની વ્યવસ્થા કરવામાં આવી હોવાનું ઍર ઇન્ડિયાએ એના નિવેદનમાં જણાવ્યું હતું.