19 February, 2021 12:05 PM IST | Mumbai | Gujarati Mid-day Correspondent
નાર્કોટિક્સ કન્ટ્રોલ બ્યુરો (એનસીબી)એ ગઈ કાલે મુંબઈના છત્રપતિ શિવાજી મહારાજ ઇન્ટરનૅશનલ ઍરપોર્ટ પરથી ત્રણ કિલો હેરોઇન સાથે એક આફ્રિકન મહિલાની ધરપકડ કરી હતી. ચોક્કસ માહિતીના આધારે એનસીબીના અધિકારીઓએ ગુરુવારે પરોઢિયે વૉચ ગોઠવીને મહિલાને ઝડપી લીધી હતી. તેની બૅગમાં તેણે ૨.૯૬૦ કિલો હેરોઇન સંતાડ્યું હતું. બે અલગ-અલગ પૅકેટમાં હેરોઇન સંતાડેલું હતું. કતાર ઍરવેઝની જોહનિસબર્ગથી મુંબઈ વાયા દોહાની ફ્લાઇટમાં આવેલી મહિલા પાસેથી ૧૦,૦૦૦ રાન (આફ્રિકન ચલણ) પણ પકડાયું હતું. મહિલા સામે એનડીપીએસ ઍક્ટ હેઠળ ગુનો નોંધીને વધુ કાર્યવાહી કરવામાં આવી હતી.