મેટ્રો-૩નું આચાર્ય અત્રે ચોક સ્ટેશન ફરી શરૂ

વરસાદનાં પાણી ભરાઈ જવાથી બંધ કરી દેવાયેલું મેટ્રો-૩નું આચાર્ય અત્રે ચોક સ્ટેશન ગઈ કાલથી ફરી ચાલુ કરવામાં આવ્યું હતું.

મેટ્રો-૩ના આચાર્ય અત્રે ચોક સ્ટેશનમાં ગયા સોમવારે પડેલા ભારે વરસાદમાં પાણી ભરાઈ ગયાં હતાં અને બધું ખેદાનમેદાન થઈ ગયું હતું એટલે એ સ્ટેશન ટેમ્પરરી બંધ કરી દેવામાં આવ્યું હતું. એ પછી મુંબઈ મેટ્રો રેલ કૉર્પોરેશન (MMRCL) દ્વારા ક્લીનિંગ કરી જરૂરી એવું બધું જ સમારકામ કરી ગઈ કાલે બપોરે એક વાગ્યાથી ફરી એક વાર સ્ટેશન ઑપરેશનલ કરી દેવાયું હતું અને આરેથી આચાર્ય અત્રે ચોક સુધી ટ્રેન દોડાવવામાં આવી હતી.

સોમવારે પડેલા ભારે વરસાદમાં મેટ્રો-૩ના આચાર્ય અત્રે ચોક સ્ટેશનમાં પાણી ભરાયાં હતાં અને સાથે જ મોટા પ્રમાણમાં કચરો પણ આવી ગયો હતો જેના કારણે સ્ટેશન આખામાં દુર્ગંધ વ્યાપી ગઈ હતી. સાવચેતીના પગલારૂપે એસ્કેલેટર પણ બંધ કરી દેવાયાં હતાં. હવે બધી જગ્યાએથી સાફસફા​ઈ અને સમારકામ કરી સ્ટેશન પાછું રાબેતા મુજબ ચાલુ કરી દેવાયું છે.