અનેક મહિલાઓને બ્લૅકમેઇલ કરીને રેપ કરનારો આરોપી ગોવાથી ઝડપાયો

યુવતીના વાંધાજનક વિડિયો અને તસવીરો વાઇરલ કરી દેવાની ધમકી આપ્યા બાદ તેના પર અનેક વખત બળાત્કાર ગુજારનારા આરોપીની ધરપકડ કરાઈ હતી.

પ્રતીકાત્મક તસવીર

મુંબઈ (પી.ટી.આઇ.) ઃ યુવતીના વાંધાજનક વિડિયો અને તસવીરો વાઇરલ કરી દેવાની ધમકી આપ્યા બાદ તેના પર અનેક વખત બળાત્કાર ગુજારનારા આરોપીની ધરપકડ કરાઈ હતી.
કળવા પોલીસ સ્ટેશનના સિનિયર ઇન્સ્પેક્ટર મનોહર અવહદે આપેલી જાણકારી અનુસાર સોલાપુર જિલ્લામાં રહેતા આરોપી ગણેશ ઉર્ફે જિતુ અશોક સૂર્વાસે (૩૩ વર્ષ) ૨૦ ફેબ્રુઆરી ૨૦૧૯થી ૧૦ માર્ચ ૨૦૨૨ દરમ્યાન અનેક વખત મહિલા પર બળાત્કાર ગુજાર્યો હતો અને તે મહિલા અન્ય કોઈ સાથે લગ્ન કરવાનો ઇરાદો ધરાવે છે એ જાણ્યા પછી સોશ્યલ મીડિયા પર તેને બદનામ કરવાના ઘણા પ્રયાસ કર્યા હતા.
અધિકારીએ જણાવ્યું હતું કે ‘જિતુએ યુવતીને બર્થ-ડે પાર્ટી માટે પોતાના ઘરે બોલાવી હતી અને પીણું પીવડાવ્યા બાદ તેના પર બળાત્કાર કર્યો હતો. તેણે એ સમયે યુવતીના વાંધાજનક વિડિયો અને તસવીરો લીધા બાદ તેને બ્લૅકમેઇલ કરતો હતો અને વારંવાર તેના પર બળાત્કાર ગુજારતો હતો. યુવતીની ફરિયાદના આધારે આઇપીસી અને ઇન્ફર્મેશન ટેક્નૉલૉજી ઍક્ટની જોગવાઈઓ હેઠળ જિતુ સામે કેસ દાખલ કરવામાં આવ્યો હતો. તે પાડોશી રાજ્ય કર્ણાટકમાં સતત રહેઠાણ બદલતો હોવાનું તપાસના આધારે જાણવા મળ્યું હતું.’
અધિકારીએ વધુમાં ઉમેર્યું હતું કે ‘બાતમીના આધારે અમે ગોવાથી 
તેને ઝડપી લીધો હતો. તેણે આ 
મોડસ ઑપરેન્ડી અપનાવીને ઘણી મહિલાઓને બ્લૅકમેઇલ કરીને તેમના પર બળાત્કાર કર્યો હોવાનું તપાસમાં ખૂલ્યું હતું.’
રહેઠાણ બદલતો હોવાને કારણે આપરાધી હાથમાં નહોતો આવતો.