14 January, 2019 09:45 AM IST |
પ્રતીકાત્મક તસવીર
છેલ્લા આઠ દિવસથી બેસ્ટ કર્મચારીઓ હડતાળ પર છે જેથી મુંબઈગરાઓને ભારે મુશ્કેલીનો સામનો કરવાનો વારો આવ્યો છે ત્યારે આ મુશ્કેલીમાં આજથી વધારો થવાની શક્યતા દેખાઈ રહી છે. મરાઠી કામગાર સેના અને ઓલા-ઉબરના ડ્રાઇવરોએ પણ હડતાળ પર જવાની ચીમકી ઉચ્ચારી છે. ઓછામાં ઓછું ભાડું 100થી 150 કરો, પ્રતિ કિલોમીટરદીઠ 18થી 23 આવી છે. આ માગણીઓ માટે ડ્રાઇવરોએ ગયા વર્ષે નવેમ્બરમાં ૧૨ દિવસની હડતાળ પાડી હતી. હડતાળ બાદ ઍપ-બેઝ્ડ ટૅક્સી કંપનીઓએ ૧થી 3 રૂપિયા ઇન્સેન્ટિવ આપવાનું શરૂ કર્યું છે.
આ પણ વાંચો : પહેલી ફેબ્રુઆરીથી દેશભરમાં CAIT દ્વારા એક અનોખી ઝુંબેશ
જોકે એની સામે કંપનીઓએ ટૅક્સીના માલિકોને કામ આપવાનું બંધ કરીને બદલામાં લીઝ પર ગાડીઓ ભાડે આપવાનું શરૂ કર્યું છે અને એને જ કામ આપવામાં આવે છે. ગયા વખતે હડતાળ પાછી ખેંચતી વખતે મુખ્ય પ્રધાન દેવેન્દ્ર ફડણવીસે ડ્રાઇવરોને જે આશ્વાસન આપ્યું હતું એને પૂર્ણ કરવાની માગણી કરવામાં આવી રહી છે.