થાણેમાં મોબાઇલ ફોનની ચોરી કરવા બદલ ૬ જણની ધરપકડ

થાણેમાં મોબાઇલ ફોનની ચોરી કરવા બદલ ૬ જણની ધરપકડ

પ્રતીકાત્મક તસવીર

એક વ્યક્તિ પાસેથી મોબાઇલ ફોન લૂંટીને થાણે શહેરમાં વેચી દેવા બદલ પોલીસે પાંચ વ્યક્તિની ધરપકડ કરી એક સગીરને અટકાયતમાં લીધો હોવાનું અધિકારીએ ગઈ કાલે જણાવ્યું હતું.
આ ઘટના ૪ જાન્યુઆરીએ રાતે બની હતી, જ્યારે કોલશેત રોડ પર કામ કરતા ૪૫ વર્ષના આઇટી-કન્સલ્ટન્ટને મોટરસાઇકલ પર આવેલા ત્રણ જણે લોખંડના સળિયા વડે માર મારીને તેની પાસેનો ૧૨,૦૦૦ રૂપિયાનો મોબાઇલ આંચકી લીધો હતો.
કેસની તપાસ દરમ્યાન પોલીસને માહિતી મળી હતી એના આધારે બુધવારે કાપૂરબાવડી નાકા પરથી બે આરોપીની ધરપકડ કરવામાં આવી હતી. બન્ને પાસેથી મળેલી માહિતીના આધારે પોલીસે એમાં સંકળાયેલા એક સગીર છોકરા અને અન્ય ત્રણ જણને ઝડપી લીધા હતા. પોલીસે મોબાઇલ અને લૂંટમાં વપરાયેલી મોટરસાઇકલ જપ્ત કરી હોવાનું અધિકારીએ જણાવ્યું હતું.