22 September, 2020 06:48 PM IST | Mumbai | Gujarati Mid-day Online Correspondent
તસવીર સૌજન્યઃ ટ્વીટર એએનઆઈ
ઈસ્ટર્ન એક્સપ્રેસ હાઈવેમાં આજે સવારે એક અજીબ કારણના લીધે ટ્રાફિક જામ થયો હતો. ચુનાભટ્ટી નજીક હાઈવેમાં એક કારમાંથી અજગર મળી આવ્યો હતો. આ અજગરની લંબાઈ 10 ફીટ જેટલી હતી.
હાઈવેમાં અચાનક કાર ડ્રાઈવર્સ અને ટુ-વ્હિલર રાઈડરે આ અજગરને જોતા વાહન રોકી દીધા હતા જેથી ટ્રાફિક જામ થયો હતો. એક કલાક બાદ સાપ પકડનારી ટીમ આવીને આ અજગરને માંડ માંડ પકડ્યો હતો. આ સ્થળે સ્થાનિક પોલીસ અને ટ્રાફિક પોલીસ પણ પહોંચી અને ટ્રાફિકનું સંચાલન કર્યું હતું.