04 October, 2011 09:14 PM IST |
મીરાણીનગરમાં તેને જગ્યા ભાડે આપનારા માલિકે ડિપોઝિટ પાછી આપીને દુકાન ખાલી કરાવી લીધી
પૂજા, નંગ, યંત્ર કંઈ જાણતો ન હોવા છતાં માત્ર કુંડળીના આધારે માર્ગદર્શન આપી પથ્થર જેવા કઠિન પ્રfનોનું નિરાકરણ કરવાનો દાવો કરનારા અને દસેક વર્ષ સુધી બોરીવલીમાં લોકોને મૂરખ બનાવનારા બિપિન બાબુલાલ વ્યાસ ઉર્ફે રાજ જ્યોતિષીએ મુલુંડ-વેસ્ટમાં મીરાણીનગરમાં આવેલી શ્રદ્ધા હૉસ્પિટલના કમ્પાઉન્ડમાં દોેઢેક મહિના પહેલાં જ એક નાનકડી દુકાન ભાડેથી લીધી હતી અને લોકલ છાપાંઓમાં તેણે પોતાની જાહેરખબરો છપાવી હતી તેમ જ ચોપાનિયાં સુધ્ધાં છપાવીને તેણે વહેંચ્યાં હતાં.
એને કારણે દિવસમાં બે-ચાર બકરા તેને મળી જતા હતા, પણ સમસ્યાના નિરાકરણ માટે આવેલી મહિલાનો વિનયભંગ કરવાના આરોપસર બોરીવલી પોલીસ-સ્ટેશનની હવા પણ ખાઈ ચૂક્યો હોવાનો તેમ જ લોકો સાથે છેતરપિંડી કરી હોવાના અહેવાલ ગયા અઠવાડિયે મિડ-ડે Localમાં છપાયા બાદ ગભરાઈ ગયેલા બિપિન વ્યાસે રાતોરાત પોતાની દુકાન બંધ કરી દીધી છે એટલું જ નહીં, જે જગ્યા તેણે ભાડે લીધી હતી એના માલિકે તેની ડિપોઝિટ તેને પાછી આપીને જગ્યા ખાલી કરાવી દીધી હોવાનું પણ જાણવા મળ્યું છે.