14 September, 2020 09:39 PM IST | Mumbai | Gujarati Mid-day Online Correspondent
લી-મેંગ યાન
ચીનની એક વાયરોલોજીસ્ટનો દાવો છે કે તેણે કોવિડ-19 વાયરસ વુહાનની લેબોરેટરીમાં બન્યો છે, જેના પુરાવા હોવાનો પણ આ વાયરોલોજીસ્ટનો દાવો છે.
ન્યૂઝ 18માં આવેલા આર્ટિકલ મુજબ લી-મેંગ યાન પાસે પુરાવા છે જે સાબિત કરશે કે કોવિડ-19 વાયરસ વુહાનની લેબમાં બન્યો છે. તેણે કહ્યું કે, વાયરસનું નિર્માણ વાયરોલોજી લેબમાં થયું છે.
યુટ્યુબમાં શૅર કરેલા વીડિયોમાં તેણે કહ્યું કે, આ વાયરસ માણસોની ફિંગરપ્રિન્ટ નાબૂદ કરે છે. લિ-મેંગ વૈજ્ઞાનિક છે જે હોંગ કોંગ સ્કૂલ ઓફ પબ્લિક હૅલ્થમાં કામ કરે છે. તેણે કહ્યું કે, વાયરસ ફેલાયુ તે પહેલાથી તેને આ બાબતની જાણ હતી.
લીએ લુઝ વુમન ટોક સાથે વાતચિત કરતા કહ્યું કે, તેણે પોતાની સુરક્ષા માટે અમેરિકા જવુ પડ્યુ હતું. તેણે સિકરેટ લોકેશનથી આ ઈન્ટરવ્યૂ આપ્યો હતો. લીએ કહ્યું કે, તેના સુપરવાઈઝે તેને કહ્યું કે તે ‘સાર્સ જેવા’ વાયરસની તપાસ કરે. તેને આ બાબતે કોઈને પણ ન જણાવવાનો આદેશ પણ મળ્યો હતો.
લીએ કહ્યું કે, આ આધારે તમને હકીકત જણાશે. હુ આ પુરાવાનો ઉપયોગ કરીને સાબિત કરીશ કે ચીનમાં જ વાયરસનું નિર્માણ થયું હતું. જેને બાયોલોજીનું જ્ઞાન ન હોય તો પણ તે આ વાચીને વેરિફાઈ કરી શકશે.
ચીનની સત્તા ઉપર આરોપ કરતા તેણે કહ્યું કે, સરકારે મારી સંપૂર્ણ માહિતી ડિલીટ કરી દીધી છે અને લોકોને પણ મારા બાબતે અફવા ફેલાવવા માટે કહ્યું છે.