અમદાવાદ પ્લેન ક્રૅશ: ટેકનિકલ ખામી નહોતી, પાયલોટે ફ્યુઅલ સ્વીચ કરી બંધ?

Ahmedabad Plane Crash: ૧૨ જૂન, ૨૦૨૫ના રોજ અમદાવાદમાં એર ઇન્ડિયાના બોઇંગ ૭૮૭ ડ્રીમલાઇનરના દુર્ઘટનાની તપાસ હજી પણ ચાલુ છે, પરંતુ ઇટાલિયન અખબાર, ડેઇલી કોરીએર ડેલા સેરાએ બોઇંગને દોષમુક્ત કરવાનો પ્રયાસ કર્યો છે.

કેપ્ટન સુમિત સભરવાલ અને પ્લેન ક્રૅશ સાઇટ

૧૨ જૂન, ૨૦૨૫ના રોજ અમદાવાદમાં એર ઇન્ડિયાના બોઇંગ ૭૮૭ ડ્રીમલાઇનરના દુર્ઘટનાની તપાસ હજી પણ ચાલુ છે, પરંતુ ઇટાલિયન અખબાર, ડેઇલી કોરીએર ડેલા સેરાએ બોઇંગને દોષમુક્ત કરવાનો પ્રયાસ કર્યો છે. ઇટાલિયન અખબારના અહેવાલમાં દાવો કરવામાં આવ્યો છે કે આ અકસ્માત ટેકનિકલ ખામીને કારણે નહોતો થયો, પરંતુ એન્જિનના ફ્યુલ નિયંત્રણ સ્વીચો ઇરાદાપૂર્વક બંધ કરવામાં આવ્યા હોવાથી થયો હતો. નવી દિલ્હી અને વોશિંગ્ટન વચ્ચેની ચર્ચાઓને ટાંકીને, અખબાર પાઇલટ સુમિત સભરવાલને ગુનેગાર તરીકે દર્શાવે છે.

ગયા વર્ષે 12 જૂનના રોજ, અમદાવાદ એરપોર્ટ પરથી ટેકઓફ કર્યા પછી થોડી જ સેકન્ડોમાં એર ઇન્ડિયા ફ્લાઇટ 171 ક્રેશ થઈ ગઈ હતી. વિમાન મેડિકલ કોલેજ હોસ્ટેલમાં અથડાયું હતું. આ અકસ્માતમાં 260 લોકોના મોત થયા હતા, જેમાં 241 મુસાફરોનો સમાવેશ થાય છે. આ અકસ્માતમાં વિશ્વકુમાર રમેશ એકમાત્ર મુસાફર બચી ગયા હતા. વિમાન બોઇંગ 787 ડ્રીમલાઇનર હતું. ઘટના પછીની પ્રારંભિક તપાસમાં જાણવા મળ્યું હતું કે આ દુર્ઘટના એક એન્જિનમાં ફ્યુલ કાપવાના કારણે થઈ હતી. ત્યારબાદ પ્રશ્નો ઉભા થયા કે ફ્યુલ કાપ ટેકનિકલ કારણોસર હતો કે ઇરાદાપૂર્વક. ફ્લાઇટના કમાન્ડ પાઇલટ કેપ્ટન સુમિત સભરવાલ હતા, જ્યારે ફર્સ્ટ ઓફિસર ક્લાઇવ કુંદર સહ-પાઇલટ હતા.

DGCA હાલમાં તપાસ કરી રહ્યું છે

ડિરેક્ટોરેટ જનરલ ઓફ સિવિલ એવિએશન (DGCA) અમદાવાદ વિમાન દુર્ઘટનાની તપાસ કરી રહ્યું છે, અને તેનો રિપોર્ટ આવવાનો બાકી છે. જો કે, ઇટાલિયન દૈનિક કોરીએર ડેલા સેરાએ નવી દિલ્હી અને વોશિંગ્ટન વચ્ચેની વાતચીતના આધારે એક અહેવાલ પ્રકાશિત કર્યો છે. આ અહેવાલમાં દાવો કરવામાં આવ્યો છે કે બોઇંગ 787 ડ્રીમલાઇનર ક્રેશ, જે એન્જિન ફ્યુલ કાપ્યા પછી થયું હતું, તે યાંત્રિક ખામીને કારણે થયું ન હતું. રિપોર્ટમાં એરક્રાફ્ટ એક્સિડેન્ટ ઇન્વેસ્ટિગેશન બ્યુરો (AAIB) દ્વારા બહાર પાડવામાં આવેલી કોકપીટમાં છેલ્લી વાતચીતનો પણ ઉલ્લેખ કરવામાં આવ્યો છે. કોકપીટ વૉઇસ રેકોર્ડિંગમાં, એક પાઇલટ પૂછતો સાંભળવામાં આવે છે, "તમે ફ્યુલ કેમ કાપી નાખ્યું?" બીજાએ જવાબ આપ્યો, "મેં નથી કર્યું." બ્લેક બોક્સ ડેટાના ટેકનિકલ મૂલ્યાંકનમાં યાંત્રિક ખામીને બદલે મેન્યુઅલ શટડાઉન સ્વીચ તરફ પણ ધ્યાન દોરવામાં આવ્યું હતું, કારણ કે અકસ્માત સમયે બંને એન્જિન બંધ થઈ ગયા હતા.

દાવો: એક પાઇલટે એન્જિનના ફ્યુઅલ કંટ્રોલ સ્વીચ બંધ કરી દીધી હતી

ઇટાલિયન દૈનિક અનુસાર, તપાસકર્તાઓનો દાવો છે કે એક પાઇલટે એન્જિનના ફ્યુઅલ કંટ્રોલ સ્વીચ બંધ કરી દીધી હતી, જેના કારણે વિમાનનો પાવર જતો રહ્યો અને તે જમીન પર ક્રેશ થયું. અહેવાલમાં જણાવાયું છે કે સંજોગો હજી પણ અસ્પષ્ટ છે, પરંતુ મુખ્ય શંકાસ્પદ કેપ્ટન સુમિત સભરવાલ છે, જે વ્યક્તિગત બાબતોને કારણે ડિપ્રેશનથી પીડાતો હતો. પાઇલટ્સ એસોસિએશન અને સુમિત સભરવાલના પિતાએ એરક્રાફ્ટ એક્સિડેન્ટ ઇન્વેસ્ટિગેશન બ્યુરોના પ્રારંભિક તપાસ અહેવાલને નકારી કાઢ્યો છે. કોરીએર ડેલા સેરાના જણાવ્યા અનુસાર, અંતિમ તપાસ અહેવાલમાં પાઇલટ્સના સતત મનોવૈજ્ઞાનિક મૂલ્યાંકન અને માનસિક સ્વાસ્થ્ય દેખરેખની પણ ભલામણ કરવામાં આવી છે.