ગુજરાતમાં માવઠાનો માર, ખેડૂતોના ઊભા પાકને નુકસાન

ગુજરાતમાં સોમવારે ૧૦૩ તાલુકાઓમાં પડેલા કમોસમી વરસાદને પગલે ખેડૂતોના ઊભા પાકને નુકસાન થયું છે

પ્રતીકાત્મક તસવીર (સૌજન્ય આઇસ્ટૉક)

અમદાવાદ : ગુજરાતના ખેડૂતોનો માવઠાનો માર ઝીલવાનો વારો આવ્યો છે. ગુજરાતમાં સોમવારે ૧૦૩ તાલુકાઓમાં પડેલા કમોસમી વરસાદને પગલે ખેડૂતોના ઊભા પાકને નુકસાન થયું છે. ભારે પવન સાથે કમોસમી વરસાદ પડતાં ગુજરાતમાં કેરીના મોર ખરી પડ્યા; તો ચીકુ, મકાઈ, ઘઉં, ચણા, ઇસબગૂલ, જીરું સહિતના પાક બગડ્યા છે.