કચ્છમાં ધરા ધ્રુજી:ભચાઉમાં એક જ કેન્દ્રબિંદુમાં 2.8ની તીવ્રતાના 2 આંચકા

કચ્છમાં ધરા ધ્રુજી:ભચાઉમાં એક જ કેન્દ્રબિંદુમાં 2.8ની તીવ્રતાના 2 આંચકા

Bhachau : ધરતીકંપનું એપીસેન્ટર ગણાતા ભચાઉમાં ગુરૂવારે ફરી એક વખત ધરા ધ્રુજી હતી. બપોરના સમયે ભચાઉમાં 11 મિનિટના ગાળામાં એક જ કેન્દ્રબિંદુના સ્થળે 2.8ની તીવ્રતાના ભૂકંપના વારાફરતી બે આંચકા આવ્યા હતા. ગાંધીનગર સિસ્મોલોજી વિભાગમાં આ આંચકા નોંધાયા હતા. ગુરૂવારે બપોરે 1.23 કલાકે ભચાઉથી 11 કિલોમીટર દૂર ઉત્તર દિશામાં ખારોઈ રોડ તરફ 2.8ની તીવ્રતાનું કંપન આવ્યું હતું. પ્રથમ કંપનની 11મી મિનિટ પછી 1.34 કલાકે ફરી એ જ કેન્દ્રબિંદુ નજીક વધુ એકવાર 2.8ની તીવ્રતાનો બીજો આંચકો આવ્યો હતો.

કચ્છમાં ભચાઉમાંઉપરા-છાપરી ટૂંકા ગાળામાં જ ભૂકંપના બે આંચકા અનુભવાતા લોકોમાં ફફડાટ ફેલાઈ ગયો હતો. જોકે, આ આંચકામાં જાન-માલને કોઈ પણ પ્રકારનું નુકસાન થયાના સમાચાર નથી. ગઈ કાલે પણ આ જ કેન્દ્રબિંદુમાં 1.2ની તીવ્રતાના બે હળવા કંપન નોંધાયા હતા. ગાંધીનગર ખાતે આવેલા સિસ્મોલોજી સેન્ટર ખાતે ભૂકંપના આ આંચકા નોંધાયા હતા.