05 December, 2014 04:48 AM IST |
રશ્મિન શાહ
જોકે આ હકીકત છે. કચ્છના ધોરડોના સફેદ રણમાં અત્યારે ચાલી રહેલા રણ ઉત્સવ માટે નિર્માણ થયેલા ટેન્ટ-સિટીમાં બનાવવામાં આવેલા લક્ઝરી ટેન્ટનું ભાડું ૯૮,૦૦૦ રૂપિયા રાખવામાં આવ્યું છે. આ ટેન્ટ આજથી જ ખુલ્લો મૂકવામાં આવશે અને એમાં સૌથી પહેલાં ગુજરાતનાં મુખ્ય પ્રધાન આનંદીબહેન પટેલ રહેશે અને એ પછી ટેન્ટનું બુકિંગ કૉમન મૅન માટે ખુલ્લું મૂકવામાં આવશે.
આ ટેન્ટની ખાસિયત એ છે કે ટેન્ટ-સિટીના તમામ ટેન્ટ માટે એક કૉમન ડાઇનિંગ હૉલ છે, પણ આ લક્ઝરી ટેન્ટમાં સેપરેટ ડાઇનિંગ રૂમ આપવામાં આવ્યો છે. લક્ઝરી ટેન્ટના ગેસ્ટ જ્યારે ઇચ્છશે ત્યારે પોતાના પર્સનલ ડાઇનિંગ રૂમમાં જમી શકે છે. બે બેડરૂમ, કિચન અને ડ્રૉઇંગ રૂમની ફૅસિલિટી ધરાવતા આ ટેન્ટમાં ટીવી, ફ્રિજ, ગીઝર, ઍર-કન્ડિશનર, રૂમ-હીટર જેવી તમામ સુવિધા છે જે એક લક્ઝરી ફ્લૅટમાં હોય. લક્ઝરી ટેન્ટને પોતાનું સેપરેટ ગાર્ડન છે. આ ટેન્ટની સૌથી મોટી ખાસિયત એનું લોકેશન છે. ચંદ્ર જે જગ્યાએથી પૂરેપૂરો દેખાય અને એને કોઈ આડશ ન આવે એવા લોકેશન પર એને બનાવવામાં આવ્યો છે, જેને કારણે રાતે સૂતી વખતે જાણે કે ચંદ્ર તમારા રૂમમાં નાઇટ-લૅમ્પનું કામ આપવા આવ્યો હોય એવી અનુભૂતિ થાય છે.