27 November, 2012 06:20 AM IST |
વિધાનસભાના ફ્સ્ર્ટ ફેઝમાં સૌરાષ્ટ્ર-દક્ષિણ ગુજરાતની જે ૮૭ બેઠકનું ઇલેક્શન થવાનું છે એ તમામ બેઠકના બીજેપીના ઉમેદવારોએ જીપીપીના બૅટ સામે ઇલેક્શન ઑફિસરને ગઈ કાલે એકસાથે વાંધા-અરજી આપી હતી અને બૅટનું સિમ્બૉલ પાછું ખેંચવાની રિક્વેસ્ટ કરી હતી. આ વાંધા-અરજી માટે કેશુભાઈ પટેલે કહ્યું હતું કે ‘અમારો જવાબ માગવામાં આવશે ત્યારે અમે એ જવાબ ઇલેક્શન કમિશનને આપીશું. બાકી ટેક્નિકલી પણ અમે સાચા છીએ અને બૅટ જ અમારું સિમ્બૉલ રહેશે.’
ગુજરાત બીજેપીના એક અત્યંત સિનિયર નેતાએ ‘મિડ-ડે’ પાસે કબૂલ કર્યું હતું કે એક સિમ્બૉલ તરીકે બૅટની પૉપ્યુલારિટી જોયા પછી પાર્ટીએ વાંધા-અરજી કરી છે. આ નેતાએ કબૂલ કર્યું હતું કે છેલ્લા એક વર્ષમાં ગુજરાત સરકાર દ્વારા યુવાનોને આપવામાં આવેલી સ્ર્પોટ્સ કિટમાં દસ હજારથી વધુ બૅટ અપાયાં હોવાથી એ બૅટનો સીધો ફાયદો કેશુભાઈ ન લઈ લે એ માટે હવે ગુજરાત બીજેપી જાગી છે અને બૅટનું સિમ્બૉલ બદલાય એ માટે પ્રયાસ કરી રહી છે.