07 March, 2019 02:57 PM IST | નવી દિલ્હી(ટેક ડેસ્ક)
ગૂગલે બોલો એપ્લિકેશન કરી લૉન્ચ
ટેક કંપની અને એંડ્રૉઈજ ઑપરેટિંગ સિસ્ટમ બનાવતી કંપની ગૂગલે બાળકોને હિંદી અને અંગ્રેજી શીખવવા માટે Google Bolo એપ્લિકેશન લૉન્ચ કરવામાં આવી છે. આ એપ્લિકેશનનું અર્લી એક્સેસ હાલ પ્લે સ્ટોર પર ઉપલબ્ધ છે. આ એપ્લિકેશનને હાલ માત્ર એંડ્રૉઈડ ડિવાઈસ માટે જ લૉન્ચ કરવામાં આવી છે. આ એપને એંડ્રૉઈડ કિટકેટ વર્ઝન 4.4ની ઉપરના તમામ ઑપરેટિંગ સિસ્ટમમાં ઉપયોગ કરી શકાય છે.
આ એપ્લિકેશન પ્રાથમિક શાળાના બાળકોને હિંદી અને અંગ્રેજી શીખવાડશે. કંપનીના પ્રમાણે, આ એપ આર્ટિફિશિયલ ઈંટેલિજંસથી સજ્જ ટેક્સ્ટ-ટૂ-સ્પીચ ટેક્નિક પર કામ કરે છે. આ એપ્લિકેશનને માત્ર ભારતીય યૂઝર્સ માટે જ લૉન્ચ કરવામાં આવી છે. આ એપ્લિકેશનને ઈન્સ્ટૉલ કરતા જ તેમાં એક એનિમેટેડ કેરેક્ટર આવે છે અને બાળકોને વાર્તાઓ વાંચવા માટે પ્રોત્સાહિત કરે છે. જો બાળકો કોઈ શબ્દનું ઉચ્ચારણ ન કરી શકે તો તે ઉચ્ચારણ કરવામાં પણ મદદ કરે છે. આ સિવાય વાર્તા પૂરી કરે ત્યારે બાળકોનું મનોબળ પણ વધારે છે.
ગૂગલ ઈન્ડિયાના પ્રૉડક્ટ મેનેજર નિતિન કશ્યપે કહ્યું કે, અમે આ એપ્લિકેશનને એવી રીતે ડિઝાઈન કર્યું છે કે તે ઑફલાઈન પણ કામ કરી શકી છે. આ માટે 50 એમબીની એપ્લિકેશન ઈન્ટસ્ટૉલ કરવી પડશે. આમાં હિંદી અને અંગ્રેજીની લગભગ 100 વાર્તાઓ આપવામાં આવી છે. તેને આપ ફ્રીમાં પ્લે સ્ટોર પરથી ડાઉનલોડ કરી શકશો.
આ પણ વાંચોઃ Samsung Galaxy A સીરિઝ ફોન રિવ્યૂ, જાણો કેવા છે આ ફોન
ગૂગલની આ એપ્લિકેશન ઉત્તર પ્રદેશના લગભગ 200 ગામમાં પરીક્ષણ કરીને ડેવલપ કરવામાં આવી છે. પરીક્ષણના પરિણામો ઉત્સાહજનક રહેતા તેને તમામ યૂઝર્સ માટે રજૂ કરવામાં આવી છે. આ એપ્લિકેશન અન્ય ભારતીય ભાષામાં પણ રજૂ કરવાનો વિચાર છે.