ગ્રેપ્સ માર્ગરિટા

ગ્રેપ્સ માર્ગરિટા

સામગ્રી

 બે ચમચા લીંબુનો રસ

 ત્રણ કપ તાજી કાળી દ્રાક્ષ

 અઢી ચમચા સ્ટ્રૉબેરી ક્રશ

 એક ચમચી મધ

 દોઢ કપ બરફનો ભુક્કો

 કાળું મીઠું સજાવટ માટે

રીત

કાળી દ્રાક્ષને મિક્સરમાં પીસી પલ્પ બનાવી લો. હવે મિક્સરની જારમાં દ્રાક્ષનો પલ્પ, સ્ટ્રૉબેરી ક્રશ, લીંબુનો રસ, મધ અને અડધો કપ જેટલો બરફનો ભુક્કો ઉમેરી ચર્ન કરો. સ્મૂધ સ્લશ જેવું મિશ્રણ બને ત્યાં સુધી બ્લેન્ડ કરવું.

સર્વ કરવા માટે ચાર ગ્લાસ લઈ એની ધારને થોડી ભીની કરી એના પર કાળું મીઠું લગાવી દો. ત્યાર બાદ એ સુકાય એટલે એમાં પા-પા કપ બરફ ઉમેરો. ત્યાર બાદ એના પર સરખા પ્રમાણમાં તૈયાર કરેલું જૂસ રેડો. અને ઠંડું સર્વ કરો.