બીન્સ કરી

બીન્સ કરી

 

- મીતા ભરવાડા

સામગ્રી :-

• ૨૫૦ ગ્રામ સૂકી ચોળી
• એક ઝૂડી લીલા કાંદા
• બે ટમેટાં
• અડધો કપ દહીં
• છ વાટેલાં લીલાં મરચાં
• છ કળી વાટેલું લસણ
• એક ટુકડો ખમણેલું આદું
• એક ચમચી લાલ મરચું
• એક ચમચી ગરમ મસાલો
• બે ચમચી ધાણાજીરું
• પા ચમચી હળદર
• એક ચમચી જીરું
• એક ચમચી કસૂરી મેથી
• ત્રણ ચમચા તેલ
• મીઠું સ્વાદ પ્રમાણે

રીત :-

સૂકી ચોળીને આખી રાત પલાળી કુકરમાં બે સિટી લગાવીને બાફી લો. લીલા કાંદાને બારીક સમારો. ટમેટાંના મિડિયમ ટુકડા કરો. એક પૅનમાં તેલ ગરમ કરી જીરું અને કસૂરી મેથી સાંતળીને ટમેટાં નાખો. ટમેટાં થોડાં નરમ થાય એટલે એમાં લીલા કાંદા, લીલાં મરચાં, લસણ અને આદું નાખીને ફરી સાંતળો. તેલ છૂટું પડે એટલે એમાં લાલ મરચું, ગરમ મસાલો, ધાણાજીરું, હળદર અને મીઠું નાખી દહીં ઉમેરીને તરત હલાવો. પછી એમાં બાફેલી ચોળી મિક્સ કરો. એને ઢાંકીને બે મિનિટ ચડવા દો. પરાઠા અને રાયતા સાથે એને સર્વ કરો.