આ ઍક્ટ્રેસોના ડ્રેસ છે નવરાત્રિ માટે પર્ફેક્ટ

સ્ટાર & સ્ટાઇલ

છેલ્લા કેટલાક સમયથી ઍક્ટ્રેસોનાં ઘાઘરા-ચોલીઓમાં થોડો ફેરફાર જોવા મળ્યો છે. ટિપિકલ નેટનાં ઘાઘરા-ચોલીના બદલે હવે બૉલીવુડની આ બ્યુટીઓ ટિપિકલ ટ્રેડિશનલ સ્ટાઇલનાં ચણિયા-ચોળી પહેરેલી જોવા મળી રહી છે. આ બ્રાઇટ રંગો ફેસ્ટિવલ મૂડ પ્રમાણે પર્ફેક્ટ છે. એ સિવાય એ કૉટન નહીં; બલ્કે રૉ-સિલ્ક, શિફોન અને જ્યૉર્જેટ જેવા મટીરિયલમાંથી બનાવવામાં આવ્યાં છે. આ ટાઇપનાં ચણિયા-ચોળી મોટા ભાગે ફૅશન ડિઝાઇનર નિશ્કા લુલ્લાએ ડિઝાઇન કરેલાં છે. નિશ્કાએ પોતાની બધી જ ડિઝાઇનોમાં ગોટા વર્ક, કચ્છી ભરત અને ટ્રેડિશનલ આભલાં લગાવવાની પદ્ધતિનો વપરાશ કર્યો છે. ટિપિકલ કોટનનાં આભલાં, કોડીવાળાં ઘેરદાર ચણિયા-ચોળી ન પહેરવાં હોય તો એ એ-લાઇન ચણિયા-ચોળી ટ્રેડિશનલ વેઅર તરીકે પર્ફેક્ટ લાગશે.

આ લુક પરંપરાગત લાગશે, પણ સાથે જ વધુ ઝાકમઝોળ અને ચમકીલો, પણ નહીં લાગે એટલે થોડાં સિમ્પલ કપડાંમાં ગરબા રમવાનો શોખ હોય તો આ પરફેક્ટ છે. રંગો બ્રાઇટ છે એટલે સાથે વધુ પડતી જ્વેલરી પહેરવાની પણ જરૂર નથી. વાળ બાંધો અથવા છુટ્ટા રાખો, તમારી ચૉઇસ. યંગ છોકરીઓ માટે આ લુક ખૂબ સારો રહેશે.