05 March, 2020 04:18 PM IST | Rajkot
ઍમેઝૉન પ્રાઇમ
ડિજિટલ પ્લૅટફૉર્મ પર અત્યારે વેબ-સિરીઝમાં હિન્દી ઉપરાંત પંજાબી, ભોજપુરી અને બંગાળી કન્ટેન્ટની બોલબાલા છે, પણ આવતા સમયમાં ગુજરાતી કન્ટેન્ટ પણ તમને આ પ્લૅટફૉર્મ પર જોવા મળશે. હા, એકતા કપૂરથી માંડીને ઍમેઝૉન પ્રાઇમ, ઉલ્લુ અને પ્રાઇમફ્લિક્સ જેવાં ડિજિટલ પ્લૅટફૉર્મ અત્યારે ગુજરાતી વેબ-સિરીઝ શોધી રહ્યાં છે. આની પાછળનું જો કોઈ મહત્ત્વનું કારણ હોય તો એ છે આખા દેશમાં સૌથી વધારે ડિજિટલ પ્લૅટફૉર્મનો ઉપયોગ કરનાર ક્રાઉડમાં મુંબઈ અને દિલ્હી પછી ગુજરાત ત્રીજા ક્રમે છે. ગુજરાતી વેબ-સિરીઝમાં કયા પ્રકારનું કન્ટેન્ટ વધારે ચાલે છે એ જોવાનું કામ અત્યારે એકતા કપૂરની ટીમે ઑલરેડી શરૂ કરી દીધું છે તો ‘બી’ ગ્રેડના પ્લૅટફૉર્મ ગણાતા ઉલ્લુ, પ્રાઇમફ્લિક્સ, કિન્ડી બૉક્સ અને કુકુએ ઑલરેડી ગુજરાતી કન્ટેન્ટ પાસ કરવાનું પણ આરંભી દીધું છે તો અમુક પ્લૅટફૉર્મ પર તો ઑલરેડી ગુજરાતી વેબ-સિરીઝ દેખાવી શરૂ થઈ ગઈ છે.