05 February, 2020 03:01 PM IST | Mumbai
પવન ઍન્ડ પૂજા
‘હિચકી’ના ડિરેક્ટર સિદ્ધાર્થ મલ્હોત્રાના વેબ-શોમાં મહેશ માંજરેકર અને દીપ્તિ નવલ જોવા મળશે. ‘પવન ઍન્ડ પૂજા’ શોમાં ત્રણ કપલ્સની સ્ટોરી જોવા મળશે. આ શો ૧૪ ફેબ્રુઆરીથી મૅક્સ પ્લેયર પર શરૂ થવાનો છે. સ્ટોરીમાં અલગ-અલગ ઉંમરના પ્રેમ દેખાડવામાં આવશે. એ વિશે સિદ્ધાર્થે કહ્યું હતું કે ‘હું હંમેશાં નવા-નવા પ્રયોગ કરવામાં માનું છું. મારું માનવું છે કે એનાથી નવું કરવાની અને શીખવાની તક તો મળે છે અને સાથે જ દર્શકોની પસંદગીનું પણ આપણે દેખાડી શકીએ છીએ. ‘પવન ઍન્ડ પૂજા’માં દેખાડવામાં આવશે કે જેમ-જેમ ઉંમર વધે છે એમ પ્રેમમાં કેવા પ્રકારનાં પરિવર્તન આવે છે એ વિચારની સાથે જ આ શોની શરૂઆત થાય છે.’
મહેશ માંજરેકરની પ્રશંસા કરતાં સિદ્ધાર્થે કહ્યું હતું કે ‘મહેશ ખૂબ જ પીઢ ઍક્ટર છે. તેમણે આપેલા દરેક શૉટમાં એ દેખાઈ આવે છે. જોકે જ્યારે કૅમેરા બંધ થાય તો કોઈને વિશ્વાસ નહીં બેસે કે તેઓ કેટલા રમુજી છે.’