ફોર મોર શૉટ્સ પ્લીઝમાં મમ્મીનું પાત્ર ભજવવા માટે રાજી નહોતી કીર્તિ

ફોર મોર શૉટ્સ પ્લીઝમાં મમ્મીનું પાત્ર ભજવવા માટે રાજી નહોતી કીર્તિ

કીર્તિ કુલ્હારી

કીર્તિ કુલ્હારી ઍમેઝૉન પ્રાઇમ વિડિયોની વેબ-સિરીઝ ‘ફોર મોર શૉટ્સ પ્લીઝ’માં મમ્મીનું પાત્ર ભજવવા માટે શરૂઆતમાં ખચકાઈ રહી હતી. આ સિરીઝમાં તે સિંગલ મધર અંજનાના પાત્રમાં જોવા મળી હતી. પહેલી સીઝનની સફળતા બાદ આ સિરીઝની બીજી સીઝન ૧૭ એપ્રિલે શરૂ થવાની છે. આ વિશે વિસ્તારપૂર્વક જણાવતાં કીર્તિએ કહ્યું હતું કે ‘સ્ક્રિપ્ટ વાંચ્યા બાદ મને એ વાતની શંકા હતી કે તેઓ કઈ રીતે એક મજેદાર પાત્રને બોલ્ડ સ્ટેટમેન્ટ સાથે રજૂ કરશે? મને એ વાતની પણ ચિંતા હતી કે મારે એક મમ્મીનું પાત્ર ભજવવાનું છે. હું એના માટે તૈયાર નહોતી. સાથે જ મને એ વાતનો પણ ડર હતો કે હું એક જ ભૂમિકામાં બંધાઈ જઈશ. આ બાબત ઇન્ડસ્ટ્રીમાં એક સર્વસામાન્ય બાબત છે. હું મારી જાતને સતત સવાલ પૂછતી હતી કે શું મારે આ રોલ સ્વીકારવો જોઈએ, જે ખરેખર મારી ઇમેજ બદલી નાખશે અને જે પ્રકારનું કામ અથવા તો તક મને મળે છે એના પર પણ અસર પહોંચાડશે. જોકે મારા હસબન્ડે મને આ પાત્ર ભજવવા માટે પ્રોત્સાહન આપ્યું હતું. હું સૌપ્રથમ તો એક કલાકાર છું એ વાત મને યાદ અપાવવાનું શ્રેય પણ તેને જ જાય છે. સાથે જ મારે મારી સીમાઓને તોડીને આગળ વધવું પડશે. જે પરિવર્તન વિશે હું હંમેશાં ચર્ચા કરું છું એનું માધ્યમ પણ મારે જ બનવું જોઈએ.’