15 January, 2021 05:58 PM IST | Mumbai | Agencies
અપારશક્તિ ખુરાના તેના ડિજિટલ ડેબ્યુ વેબ-સિરીઝ ‘સ્ટાર ડસ્ટ’માં સુપરસ્ટારના રોલમાં જોવા મળશે. આ સિરીઝમાં 1947થી 1989 સુધીના ઇન્ડિયન ફિલ્મ ઇન્ડસ્ટ્રીના સમયને દેખાડવામાં આવશે. સાથે જ બે સુપરસ્ટાર્સના વિવાદ પર પણ પ્રકાશ પાડવામાં આવશે. આ શોનું શૂટિંગ માર્ચ અથવા તો એપ્રિલમાં શરૂ કરવામાં આવશે. સિરીઝ વિશે અપારશક્તિએ કહ્યું હતું કે ‘વેબ-સિરીઝ ‘સ્ટાર ડસ્ટ’ મારા દિલની ખૂબ નજીક છે. આના દ્વારા હું ડિજિટલ પ્લૅટફૉર્મ પર એન્ટ્રી કરવાનો છું. આ એક પિરિયડ ડ્રામા સિરીઝ છે. એમાં બૉલીવુડના સુપરસ્ટારનું પાત્ર ભજવવાની તક મળતાં હું ખૂબ ખુશ છું. સાથે જ એના દ્વારા મને વિક્રમાદિત્ય મોટવાણી અને લેજન્ડરી પ્રોસેનજિત ચૅટરજી સાથે કામ કરવાનો પણ ચાન્સ મળ્યો છે જે દરેક ઍક્ટરનું સપનુ હોય છે. કામ દરમ્યાન જે નવું શીખવા મળશે અને જે મજા આવશે એને લઈને હું ઉત્સાહિત છું.’