22 January, 2020 01:25 PM IST | Rajkot | Rashmin Shah
ડેનિયલ પર્લ
અમેરિકન જર્નલિસ્ટ અને ‘અ વૉલ સ્ટ્રીટ જર્નલ’ સાથે જોડાયલા ડેનિયલ પર્લની લાઇફ પર આધારીત વેબ સિરીઝ ‘કિડનેપ’નું પ્લાનિંગ ઝી ગ્રુપ પોતાના ડિજિટલ પ્લેટફોર્મ પર કરી રહ્યું છે. પર્લની લાઇફ પર ઓલરેડી ફિલ્મ ‘અ માઇટી હાર્ટ’ બની છે, જેમાં એન્જેલિના જોલીએ ડેનિયલની વાઇફનું કૅરેક્ટર કર્યુ હતું.
‘કિડનેપ’નું કામ ઓલરેડી શરૂ થયું છે અને એના કાસ્ટિંગ માટે પણ શોધખોળ શરૂ થઈ છે. આ પ્રોજેક્ટના લીડ સ્ટાર તરીકે એક સમયે નીલનિતિન મુકેશનો પણ વિચાર કરવામાં આવ્યો હતો પણ ત્યાર પછી એ નામ કોઈ કારણોસર પડતું મુકવામાં આવ્યું એટલે હવે નવેસરથી લીડ સ્ટારની શોધખોળ શરૂ કરવામાં આવી છે. પ્લેટફોર્મની ઈચ્છા છે કે આ કૅરેક્ટર કોઈ ન્યુકમર પાસે કરાવવામાં આવે.