22 January, 2020 06:01 PM IST | અમદાવાદ
નિક જોનસ
૨૦૧૬માં ઑનલાઇન સ્ટ્રીમિંગ પ્લૅટફૉર્મ નેટફ્લિક્સ પર રિલીઝ થયેલી અમેરિકન સાયન્સ-ફિક્શન હૉરર વેબ-સિરીઝ ‘સ્ટ્રેન્જર થિંગ્સ’, જે ભારતમાં પણ એટલી જ લોકપ્રિય થઈ એના પ્રોડ્યુસર શૉન લેવી અને અમેરિકન ઍક્ટર, સિંગર અને સૉન્ગ-રાઇટર નિક જોનસે એક બિગ વેન્ચર માટે હાથ મિલાવ્યા છે. આ બન્નેના પ્રોડક્શન હાઉસ અનુક્રમે ‘૨૧ લેપ્સ’ અને ‘ઇમેજ ૩૨’ અંતર્ગત નેટફ્લિક્સ માટે અડધા કલાકના આઠ એપિસોડની વેબ-સિરીઝનું આયોજન થઈ રહ્યું છે, જે ‘ડૅશ ઍન્ડ લિલીઝ બુક્સ ઑફ ડેર્સ’ નામની નૉવેલ પર આધારિત છે. ઑસ્ટિન અબ્રામ્સ અને મિડૉરી ફ્રાન્સિસ અભિનીત ‘ડૅશ ઍન્ડ લિલી’ નામની સિરીઝમાં લિલી નામની યુવતી ન્યુ યૉર્કના એક બુકસ્ટૉલમાં ચૅલેન્જિસથી ભરેલી એક બુક મૂકી જાય છે.
આ પણ વાંચો : વીર દાસ ભારતનાં 6 શહેરમાં ફરીને લોકોને હસાવશે
છુટ્ટીઓના દિવસોમાં ડૅશ નામનો યુવાન આવીને એ બુક ઉપાડે છે. આ બન્ને પ્રેમીઓનાં સાહસ, સપનાંઓ અને ઇચ્છાઓ ન્યુ યૉર્ક સિટીમાં પાંગરે છે. બે પૈકીના એક પ્રોડ્યુસર શૉન લેવીની સફળ સિરીઝ ‘સ્ટ્રેન્જર થિંગ્સ’ની ચોથી સીઝનની અનાઉન્સમેન્ટ થઈ ચૂકી છે.