જિતેન્દ્રએ Alt બાલાજીની વેબ-સિરીઝ બારીશ 2 માટે કર્યું શૂટ

જિતેન્દ્રએ Alt બાલાજીની વેબ-સિરીઝ બારીશ 2 માટે કર્યું શૂટ

જિતેન્દ્ર બારીશ 2માં

ડિજિટલ પ્લૅટફૉર્મ Alt બાલાજીની વેબ-સિરીઝ ‘બારીશ 2’નું શૂટિંગ શરૂ થઈ ગયું છે. આ શોમાં આશા નેગી અને શરમન જોષીની લીડ જોડી છે. પહેલી સીઝનની સફળતા બાદ એના બીજા ભાગની જાહેરાત કરવામાં આવી હતી. અગાઉ સમાચાર હતા કે દિગ્ગજ અભિનેતા જિતેન્દ્રનો આ શોમાં સ્પેશ્યલ અપીઅરન્સ હશે અને હવે અભિનેતાએ ‘બારીશ 2’નું શૂટિંગ શરૂ કરી નાખ્યું છે. એકતા કપૂરે સોશ્યલ મીડિયા પર શુટિંગ દરમ્યાનનો ફોટો શૅર કર્યો હતો.

આ શોનાં ડિરેક્ટર નંદિતા મહેરા છે જેમણે ‘ઉતરન’, ‘રબ્બા ઈશ્ક ન હોવે’, ‘બાની ઈશ્ક દા કલમા’ જેવા શો ડિરેક્ટ કર્યા છે. ‘બારીશ’ની સ્ટોરીલાઇન ઉપરાંત આશા નેગી અને શરમન જોષીની કેમૅસ્ટ્રી દર્શકોને ગમી છે. આ શોની વાર્તા એક ગુજરાતી બિઝનેસમૅન (શરમન) અને મરાઠી છોકરી (આશા)ની આસપાસ ફરે છે. આશા ‘પવિત્ર રિશ્તા’ સિરિયલથી ઘર-ઘરમાં જાણીતી બની હતી તો અભિનેતા શરમન જોષીને આપણે છેલ્લે ‘મિશન મંગલ’માં જોયો હતો.

એકતાએ પોસ્ટ કરેલો જીતેન્દ્રનો ફોટો પણ ગજબનો હતો. આમાં જીતેન્દ્રનું માત્ર માથું જ દેખાતું હતું.