'હેલો મિની' શાહરુખ ખાનની ડરથી ચાર ચાસણી ચડે એવી

'હેલો મિની' શાહરુખ ખાનની ડરથી ચાર ચાસણી ચડે એવી

અનુજા જોષી

એમએક્સ પ્લેયરની નવી વેબ-સિરીઝ ‘હેલો મિની’થી ઍક્ટ્રેસ પલ્લવી જોષીની ભત્રીજી અનુજા જોષી પોતાની ઍક્ટિંગ-કરીઅર શરૂ કરી રહી છે. ‘હેલો મિની’માં મિનીનું લીડ કૅરૅક્ટર અનુજા કરે છે. મિની પોતાની પર્સનલ લાઇફથી ખુશ નથી. તેના બૉયફ્રેન્ડને તે રંગે હાથ પકડે છે અને એ પછી મિની પોતાની લાઇફ ખુલ્લેઆમ જીવવાનું શરૂ કરી દે છે. ગમતા છોકરા સાથે ફિઝિકલ રિલેશન બાંધે છે અને ગમતી છોકરી સાથે પણ એ લેસ્બિયન રિલેશનશિપથી જોડાય છે, પણ તેને ખબર નથી કે તેના પર કોઈ નજર રાખી રહ્યું છે અને મિનીની નાનામાં નાની વાતની એ અજાણ્યા શખસને ખબર છે.

આ પણ વાંચો : તારક મેહતા કા ઉલ્ટા ચશ્મામાં દેખાશે પોરબંદર, રાજકોટ અને અમદાવાદ

‘હેલો મિની’ અને શાહરુખ ખાન, જુહી ચાવલા, સની દેઓલની ‘ડર’ની વાત સમાન લાગે છે, પણ પ્રોડક્શન-હાઉસ રોઝ ઑડિયો વિઝ્‍યુઅલ પ્રાઇવેટ લિમિટેડના કહેવા મુજબ આ વેબ-સિરીઝ ‘ડર’થી ખૂબ આગળ છે. ‘હેલો મિની’ એ જાણીતા નૉવેલિસ્ટ નોવોનીલ ચક્રવર્તીની નૉવેલ ‘સ્ટ્રેન્જર ટ્રાયોલૉજી’ પર આધારિત છે.