ભાખરવડીમાં આવશે જમ્પ?

ભાખરવડીમાં આવશે જમ્પ?

ભાખરવાડી

સબ ટીવીના કૉમેડી શો ‘ભાખરવડી’નું શૂટ હજી ચાલુ નથી થયું, પણ એ માટેની તૈયારીઓ ચાલુ થઈ ગઈ છે. નવા એપિસોડનું શૂટ શરૂ થાય એ પહેલાં ક્રીએટિવ બાબત પર ખાસ્સું ડિસ્કશન પણ થઈ રહ્યું છે. આ ડિસ્કશનમાંથી એક ડિસ્કશન છે, સિરિયલને ફરી કેવી રીતે લોકોના મનમાં કાયમ કરવી?

‘ભાખરવડી’નો નવો એપિસોડ જોયાને આજે જ્યારે અઢી મહિનાથી પણ વધારે સમય થઈ ગયો છે ત્યારે વાર્તામાં નવા ટર્ન-ટ્વિસ્ટ લાવવાના હેતુથી જ મેકર્સ અને ચૅનલ એમાં જમ્પ લેવાનું એટલે કે ટાઇમલેપ્સ લેવાનું વિચારી રહ્યા છે.
‘ભાખરવડી’માં બે એવા પાડોશીની વાત છે જેનાં બાળકો પ્રેમમાં પડ્યાં છે અને એ બન્નેનું જીવન હવે અનેક સંકટો વચ્ચેથી પસાર થવાનું છે. ‘ભાખરવડી’ના ટાઇમલેપ્સ વિશે પ્રોડક્શન-હાઉસ કોઈ ફોડ પાડવા રાજી નથી, પણ નવો ડ્રામા ઉમેરવા માટે આ બાબતમાં ચર્ચા ચાલે છે એ હકીકત છે.