04 October, 2019 01:43 PM IST | રાજકોટ | રશ્મિન શાહ
વિશાલ આદિત્ય સિંહ
આ ફોટોગ્રાફ જોઈને તમે ધારી શકો ખરા કે આ વિશાલ આદિત્ય સિંહ છે, જેના સિક્સપૅક અને મસ્ક્યુલર બૉડી પર છોકરીઓ આફરીન છે? હા, આ વિશાલ આદિત્ય સિંહ છે અને એ ‘નચ બલિયે ૯’માં કિન્નર બનીને પર્ફોર્મન્સ કરવાનો છે. વિશાલનો આ ફોટોગ્રાફ ક્યાંય લીક ન થાય એનું ધ્યાન સ્ટાર પ્લસ રાખે એ સ્વાભાવિક છે, કારણ કે વિશાલ પોતે પણ એક સમયે કિન્નર બનવા માટે ખચકાટ અનુભવતો હતો.
વિશાલે પોતાનો આ પર્ફોર્મન્સ તેની મમ્મીને ડેડિકેટ કર્યું છે. મહિલાનાં કપડાં પહેર્યા પછી વિશાલની આંખમાં આંસુ પણ આવી ગયાં હતાં. વિશાલે કહ્યું, ‘ઉત્તર ભારતમાં આ રીતે છોકરી બનીને ઘણા છોકરાઓ રોડ પર પર્ફોર્મન્સ આપતા હોય છે અને પાંચ-દસ રૂપિયાની બક્ષિસથી ખુશ થઈ જાય છે, જે બક્ષિસ પર તેનું આખું ઘર ચાલે છે. આવું કરવાની તેમની હિંમત નથી હોતી, પણ તેમણે એ કરવું પડે છે.’
આ પણ વાંચો : Bigg Boss13: શહેનાઝને કિસ કરવા પાછળ પડ્યા આ 2 કન્ટેસ્ટંટ, જાણો ડિમાન્ડ
વિશાલનો આ પર્ફોર્મન્સ આ શનિ-રવિમાં ઑનૅર થશે. કિન્નર બન્યા પછી વિશાલે એક દિવસ તો કિન્નર જેવા હાવભાવ ડેવલપ કરવા માટે રિસર્ચમાં ફાળવ્યા હતા. કિન્નરની કૅરૅક્ટરિસ્ટિક ડેવલપ કરવા માટે તેણે ૭ કલાકથી વધારે કિન્નરોનાં એક્સપ્રેશન ઑર્બ્ઝવ કર્યાં અને એ પછી તેણે પોતાના આ પર્ફોર્મન્સ ઉમેર્યા.