આવા અંદાજમાં થશે દયાની ગ્રાંડ એન્ટ્રી...સેટ પરથી તસવીરો આવી સામે

આવા અંદાજમાં થશે દયાની ગ્રાંડ એન્ટ્રી...સેટ પરથી તસવીરો આવી સામે

જેઠાલાલ અને દયા(તસવીર સૌજન્યઃ jeya.fanclub ઈન્સ્ટાગ્રામ)

ટીવીના ટોપ શોમાં સામેલ એક તારક મહેતા કા ઉલ્ટા ચશ્માના લોકપ્રિય કિરદારમાંથી એક એટલે દયાબેન. જેમના શોમાં પાછા ફરવાની ચર્ચા લાંબા સમયથી ચાલી રહી છે. છેલ્લા કેટલાક સમયથી તેમની રી-એન્ટ્રીને લઈને સસ્પેન્સ છે. ત્યારે હવે એ સાફ થઈ ગયું છે કે શોમાં દિશા વાકાણીની વાપસી કેવી રીતે થશે. હાલમાં સોશિયલ મીડિયા પર કેટલીક તસવીરો વાયરલ થઈ છે. તમે પણ જુઓ આ તસવીરને...

તસવીરોમાં દિશા વાકાણી સાડીમાં નજર આવી રહ્યા છે તો જેઠાલાલ પરંપરાગત અવતારમાં કેડિયું અને પાઘડી સાથે છે. તસવીરમાં જોવા મળી રહ્યું છે કે દયા અને જેઠાલાલ વીડિયો ચેટ પર વાત કરી રહ્યા છે. જણાવવામાં આવી રહ્યું છે કે દિશા વાકાણી દયાબેનનો રોલમાં પાછા આવવા માટે તૈયાર છે. એવું પણ કહેવામાં આવી રહ્યું છે કે શોમાં તેમનો કેમિયો હશે અને આ તસવીરો એ સીનની છે.

આ પણ જુઓઃ Janki Bodiwala: છેલ્લો દિવસ ફૅમ એક્ટ્રેસની આ તસવીરો પરથી તમે નહીં હટાવી શકો નજર...

જણાવી દઈએ કે દિશા વાકાણી 2017થી શોમાં નથી દેખાયા. લગ્ન બાદ તેઓ મેટરનિટી લીવ પર હતા. દયાબેનના ચાહકો તેમના શોમાં પાછા ફરવાની રાહ જોઈ રહ્યા છે. થોડા સમય પહેલા એવા પણ અહેવાલો આવ્યા હતા કે તેઓ શોમાં પાછા ફરી રહ્યા છે. જો કે તેમના પતિ મયુરે બૉમ્બે ટાઈમ્સ સાથેની વાતચીતમાં કહ્યું હતું કે, મેકર્સ સાથે અમારી વાતચીત સમાધાન સુધી નથી પહોંચી. દિશાએ શોનો માત્ર એક ભાગ જ શૂટ કર્યો છે. મને આશા છે કે જલ્દી અમે કોઈ સમાધાન પર પહોંચીશું.