17 June, 2024 12:47 PM IST | Mumbai | Gujarati Mid-day Correspondent
ફાઇલ તસવીર
કપિલ શર્માનો કૉમેડી શો ‘ધ ગ્રેટ ઇન્ડિયન કપિલ શો’ નેટફ્લિક્સ પર દર શનિવારે રાતે આઠ વાગ્યે દેખાડવામાં આવે છે. એમાં સેલિબ્રિટીઝ આવીને પોતાની લાઇફ સાથે જોડાયેલી અનેક જાણીઅજાણી બાબતો જણાવે છે. એમાં અર્ચના પૂરણસિંહ ખડખડાટ હસીને શોને ગજાવી મૂકે છે. આગામી સીઝન વિશે અર્ચના પૂરણસિંહને લાગે છે કે તે કદાચ એમાં નહીં જોવા મળે.
વાત એમ છે કે કૉમેડિયન રાજીવ ઠાકુર શોમાં એક મજેદાર ઘટના સંભળાવે છે. એને સાંભળીને અર્ચના કહે છે બહુત અચ્છે.
તો કપિલ શર્મા તેને કહે છે, ‘જો તેની મજાક એટલી જ ગમે છે તો તેના શોમાં કામ કેમ નથી કરતી?’
તો તેને જવાબ આપતાં અર્ચના કહે છે, ‘મિર્ચી લગ ગઈ. અભી મેરે અગલે સીઝન મેં લીડ કિરદાર હે ઔર મેરી કુર્સી ખતરે મેં હે.’
તો કપિલ શર્મા તેને કહે છે, ‘મેં પહેલેથી જ અર્ચનાને કહી રાખ્યું હતું કે તે મારા જોક્સ સિવાય કોઈના પણ જોક્સ પર ન હસે અને કોઈ કમેન્ટ પણ ન કરે.’